بسم الله الرحمن الرحيم
انا مشكلتي ودمار نفسيتي من زوجي وتصرفاته عصبي ودمه حار وبخيل وكل ماعنده فلوس ،وكل ساكت وما يتكلم معي واذا بيتكلم حده يطلب مني شي واذا بيطلب مني شي كانه يامر و مايتقبل اي طلب مني سوا ان يجيب لي اشياء او انه يطلعني كل اهتمامه ربعه وطلعات معهم وكل ربعه كبار بسن ، واذا صارت له مشكله مع ربعه او اهله يجي البيت ويعصب علي انا ، معني والله مو مقصره بحقه قايمه بكل شي واي طلب يطلبه تم وان شاء الله ، وكل احس ان مو متقبلني ولا معطيني حقوقي كالزوجه ، مازمني كل اذا جيت انام صياح صياح وصرت ما حب اجلس جنب اهلي ولا بالجمعات الاهل والاصدقاء ، تعبت من هالحاله صرت ابحث عن ادعي او اذكار تقوي المحبه بين الزوجين و تهدي عصبيته وتهديه وفجاءه شفت المنتدى قلت اكتب حالتي يمكن تعطوني علاج يريح نفسيتي وتغير من الحاله والعيشه اللي انا فيها
مع العلم ان انا وزوجي قرايب ومن احنا صغار مسمين البعض وهو يحبني ويبني من الصغر
وطولنا على ما تزوجنا وكل ناس تهذر كل هذا حب ماتفارقوا ما نفصلوا ، احس سبب الحاله والعيشه اللي انا فيها عين والله اعلم من كثر مو انا كارهه حالتي صرت اشكك بنفسي وساعات اقول ما يحبني وودي اطلب الطلاق