السلا عليكم اختي المعالجه
انا قلت حق امي بخصوص كتبه الممزقه والايات والسور القرائنيه الموجوده في البيت قلت لها يمه ذوول حرام نخليهم في بيت ممزقين ويجبو الفقر حق الواحد وقلت لها بعد يمه بعض الايات الموجودة في البيت المعلقه اذا خواتي لعبو يطيحو واحنا بعض الاوقات ندوس عليهم وحرام علينا نخليهم هي قالت لي اني اجمعهم كلهم واوديهم المسجد والعلماء يعرفو يتصرفو فيهم لان احنا اذا كان معنا كتب من قبل نوديهم المسجد يصلحوهم واذا نبي ناخذهم نرجع وناخذهم بس هي قالت خلاص يصلحوهم ويضلو في المسجد افضل لنا ،وانا صراحه كتب امي كثير وفي كتاب ضياء الصالحين ومنهم ممزقين واحس صعبه ذوول كلهم بسوي لهم تنقيه وكل كتاب يحتاج 12 ساعه اخليه في الماي المقري حسيت صعب عليي وانا ادرس والحين قريب امتحانات،حاليا مقدر اسوي شي لهم غير اني اوديهم المسجد غير كذا مقدر صراحه ،يعني ان كانت في قراءات خاصه اقرأها عليهم كلهم مو مشكله بس غير كذا احس صعب و امي م شاء الله اللي تعرفهم كثير وكله يجيبو لها هدايا واغلبها تكون احراز واحجار وبعضها يضيع واللي يتمزق و احنا يعني م كنا ندري انى هذا كله يضر وياثر وانا صراحه استغربت لمن دخلت المنتدى وشفت قسم خاص عن تنقيه الاحراز والاجحار ،يعني انا طول عمري اسمع انى الاحجار والاحراز تحفظ وتحمي وكذا ،بس يمكن احنا نستخدمها بطريقه غير صحيحه وتاثر فينا سلبا.