السلام عليكم ... اصحاب المنتدى الرائع هذه مشكلتي سأطرحها عليكم وأقترحو لي علاجا لحالتي ... بدايه قبل تقريبا ستة اشهر دلني شخص على منتداكم وخبرني انه انتم تقدمون علاج وايضا دروس ...فأخذت دروس مدرة السير والسلوك وبلشت انتظم بعملها بس الى اخر برنامج وتوقفت .. الاسباب اولا ما حسيت بأي روحانيه ماعدا في بدايات البرنامج الاول لانه ما كان عندي دوام بس مع الدوام الشديد والمكثف باكثر من مكان بلشت اتعب ...هسه البرامج بأذن الله ارجع الهم وطبعا فقدت حسابي السابق عدكم مااعرف ليش المهم فتحت هذا الحساب الجديد....قضيتي مو وي العلاج لا بل مع امر آخر ... اشعر بأنتكاسات غريبه جدا غير معروفة المصدر بمجرد ما اصلي واقرأ قرآن لفتره تجيني هاي الحاله وهي شعوريه فأولا اشعر بتعب وكأني عامله مجهود وانه ما مسويه شي بلاضافه الى تعب وثقل بعيوني وكأنه رغبه وشعور بلنوم بس حتى لو شبعانه نوم هم احس بهاي الحاله وهو مو نعاس ابد ولو حاولت انام فمستحيل اكدر بس احس بثقل بالاقدام والم بلرأس طبعا سويت تنقيه للاحراز الي عدي وقراءات على الماي تفيدني كم يوم بس وترجع حالتي واضوج من قراءة القرآن او الصلاة الي هيه اهم شيء واحس بثقل هاي العبادات وبأستمرار اشعر بلتعب وطبعا تراجعت بدراستي بشكل غير مألوف ولا كدرت اعرف سبب هالتراجع والاهم والاكثر خطر انصابيت بألتهاب ببشرتي شديد جدا وتساقط فوق الفضيع بشعري وما خليت علاج روحاني او عشبي ما جربته لحالتي ... بالنسبه لهاي الحالات الشعوريه الغريبه فهم حاولت الخلاص منها وبسبب تراجع دراستي نفسيتي زادت سوء وحاليا اعاني بشكل لايصدق ... اذا بلامكان ارشادي لعلاج او لاي مساعده منكم اكون شاكره